Sèist: Tha smeòrach sa mhadainn chiùin
binn, binn a' ceilearadh;
tha smeòrach sa mhadainn chiùin
ge b' e cò a chluinneadh i.

O, seinnidh druid am bun nan stùc,
goiridh smùdan 's cuthag ann;
ach 's grinne leam na aon den triùir
smeòrach bheag a' bhinne-ghuth.

Tha ceilear smeòil air ògan cùil,
moch is drùchd air duilleagan,
a' dùsgadh m' aigne-sa gu sunnd,
gur cruit-chiùil na cruinne i.

Air madainn mhoich san doire dhlùth
lusan 's flùrain lurach innte
ach 's annsa leam-sa seirm a' chiùil
's eun mo rùin toirt luinneig dhomh.