Tha an oidhche ciùin is sàmhach, sneachda tuiteam sìos gu làr
's tha na reultan nis mar sheudan, deàlradh anns na speuran àrd
saoil an ann mar seo a bha e ann am Betlehem o chian
nuair a rugadh Iosa Crìosd.

Bha na caoraich leis a' bhuachaille seasgar sàbhailte anns a' chrò
nuair a chunnacas 's a chualas ceòl nan ainglean ann an glòir
's iad a' seinn an òrain aoibhneach ann am Betlehem o chian
nuair a rugadh Iosa Crìosd.

Sheinn na h-ainglean àrd Hòsanna, sìth air thalamh glòir is gràdh
thàinig Iosa Rìgh nan Rìghrean dhar saoradh on bhàs
sheinn na h-ainglean àrd Hòsanna ann am Betlehem o chian
nuair a rugadh Iosa Crìosd.

(Laoidh air fonn 'Infant Holy' le Mairead Hulse)