Am Bodach-sneachda le Mairead Hulse bhon leabhar "Trealaich is Tuilleadh Trealaich"
	Am faca sibh am bodach-sneachd' a rinn mi fhìn is Màiri, Air m' onair bha e eireachdail na sheasamh anns a' ghàrradh, Bha e àrd is bha e cruinn, nam bheachd-sa bha e àlainn, Le sròin mhòr dhearg is sùilean dubha is beul le fiamh a' ghàir air.
	Chuir sinn stoc mu amhaich airson cumail beagan blàiths ris, Is air a cheann am bonaid a thug mo sheanair à Ceann Phàdraig, Putanan na bhodhaig agus sguab am bac a ghàirdein, 'S nuair thàinig àm dhuinn dhol a laighe, dh'fhàg sinn soraidh slàn leis.
Prìomh-dhuilleag Scalpaigh Main Scalpay Menu	Ach, o mo chreach-sa thàinig, nuair dhùisg sinn làrna-mhàireach, 'S chaidh sinn chun na h-uinneige 's sinn dol a chur air fàilte, Bha 'm bodach ud air triall san oidhche 's cha robh nì air fhàgail, Ach poll… is stoc… is bonaid a thug mo sheanair à Ceann Phàdraig.